Presidenti Ilir Meta, i shoqëruar nga vajza e tij Era, mori pjesë në mbrëmjen festive të “Ballos Vjeneze” në Tiranë.
Në një postim në facebook, kreu u shtetit ka falënderuar Ambasadën e Austrisë për organizimin e eventin, të cilin e cilësoi të gëzueshëm dhe elegant.
“Së bashku me Erën patëm sot kënaqësinë të merrnim pjesë në mbrëmjen festive të “Ballos Vjeneze në Tiranë”, që sjell në kryeqytetin tonë eksperiencën mahnitëse të valsit, muzikës së mrekullueshme dhe performancat artistike nga personalitete të kulturës austriake dhe shqiptare.
Falënderim të veçantë për ambasadën e Austrisë dhe ambasadorin Johann Sattler për këtë event të gëzueshëm dhe elegant!”, shkruan Meta.
