Së fundmi Juliana Pasha ishte e ftuar në emisionin “Soiree”, ku performoi disa nga këngët e artistes së madhe, Vaçe Zela. Gjatë asaj mbrëmje, Juliana pati një mbështetje shumë të madhe, vëllain e saj, i cili e shoqëroi në piano. Juliana shumë rrallë flet për jetën e saj private dhe njerëzit e afërt, por këtë herë nuk është menduar dy herë për t’i bërë një dedikim vëllait të saj. Këngëtarja ka publikuar një foto me të dhe përkrah saj ka shkruar: “Faleminderit vëllaçko Elti Pasha. Faleminderit që realizove këngët e Vaçes dhe u bëre mbështetja ime në piano për të më shoqëruar deri në fund. Jam e bekuar që familja ime e ka bërë rrugën time në këngë gjithmonë e më të lehtë, e ka qenë pranë meje në çdo moment të lumtur apo të vështirë. T’i puth duart motra”.
Siç kuptohet Juliana nuk është e vetmja në familje që merret me muzikë, ndaj ky pasion duhet t’ju rrjedhë në vena. Këngëtarja e njohur ka vite që është pjesë e skenës muzikore shqiptare dhe është një ndër zërat më të fuqishëm.