Autoritetet spanjolle kanë goditur një bandë shqiptare, e cila shiste drogë dhe financonte trafikun e qenieve njerëzore.
Sipas mediave spanjolle në pranga janë vënë 5 persona me origjinë shqiptare dhe moldave, të cilët u kapën në Costa Calida dhe Costa Blanca.
Mësohet banda shqiptare kishte si qëllim që të vendosej përfundimisht në zonën e Murcias, duke marrë me qira shtëpi të ndryshme me dokumente të falsifikuara dhe në to të kryhej aktiviteti kriminal i trafikut të drogës dhe i qenieve njerëzore.
Hetimet zbuluan se pjesë e organizatës ishte edhe një femër, e cila mbyllte marrëveshjet me agjentët e pasurive të paluajtshme për dhënin me qira të shtëpive.
Organizata merrte me qira shtëpi dhe vila të mëdha, me qëllim ngritjen e plantacioneve të marijuanës në ambiente të mbyllura që prodhonin 4 korrje në vit.
Substanca narkotike me pas shpërndahej në nivel ndërkombëtar, duke sjellë fitime të mëdha dhe që më pas financohej edhe trafikimi i qenieve njerëzore.