Agjencia Amerikane për Zhvillim Ndërkombëtar (USAID) njoftoi sonte se do të sigurojë 85 milionë dollarë ndihmë urgjente humanitare për Turqinë dhe Sirinë.
Në njoftimin e saj, USAID thotë se paratë do të jepen “për të ofruar ndihmën e nevojshme për miliona njerëz”.
USAID “ofron ushqim dhe strehim për refugjatët dhe njerëzit e zhvendosur, furnizime dimërore për të ndihmuar familjet të përballen me të ftohtin, shërbime kritike shëndetësore, ujë të pijshëm të sigurt për të parandaluar sëmundjet dhe ndihmë sanitare për t’i mbajtur njerëzit të sigurt dhe të shëndetshëm”.