Europa është nën “pushtetin” e tërmeteve, ku pas situatës shkatërruese në Turqi dhe në Siri, rajoni po përjeton lëkundje të vazhdueshme. Një tërmet prej 2.3 ballë të Rihterit është regjistruar në zonën e Bujanocit. Është me intensitet shumë të ulët dhe qytetarët kanë raportuar se dridhja është ndjerë edhe në zonën brenda territorit të Kosovës.
Kujtojmë se ditën e djeshme lëkundje tërmeti janë ndierë edhe në Shqipëri. Sipas Qendrës Sizmologjike Europiano-Mesdhetare, lëkundjet ishin me magnitudë 3.9 të shkallës Rihter.
Epiqendra ka qenë 10 km në juglindje të Librazhdit në një thellësi prej dy kilometrash dhe 23 km në lindje të Elbasanit. Lëkundjet janë ndjerë edhe në disa qytete pranë por pa shkaktuar panik te banorët. Sipas EMSC, lëkundjet e tokës janë regjistruar në orën 11:57.