Avokati Besart Logu komenton deklaratën e Sali Berisha, i cili ka thënë edhe se nëse humbet zgjedhjet vendore të 14 majit, ai nuk do të tërhiqet. Për të Berisha në asnjë moment nuk ka marrë lëvizje për të shpëtuar PD-në, por për interesa të tij.
“Berisha nuk njihet si politikan që merr apo njeh përgjegjësi. Ka 32 vite në politikën aktive. Prodhon lajme. Ka uljet dhe ngritjet e tij. Berisha nuk ka marrë asnjë përgjegjësi për ato që ka bërë që prej kaq vitesh. Nuk besoj se do të marrë përgjegjësi në lidhje me humbjen në zgjedhje.
Lëvizja e foltores nuk ishte në shërbim të PD-së, por ishte një lëvizje për arsye personale të Berishës. Misioni i Berishës nuk mbaron me humbjen e një palë zgjedhjeve. Nuk e shoh në asnjë moment që të tërhiqet. Ky është taksirat i demokratëve. Berisha po lufton për hallet personale”.