Agjencia e OKB-së për refugjatët, UNHCR, bën me dije se rreth 5.3 milionë sirianë mund të kenë mbetur të pastrehë si pasojë e tërmetit shkatërrues që goditi veriperëndimin e vendit.
“Për Sirinë, kjo është një krizë brenda një krize”, njoftoi UNHCR.
“Kemi pasur tronditje ekonomike, COVID-19 dhe tani tërmet gjatë dimrit. Një numër i stafit tonë po flenë jashtë shtëpive të tyre sepse janë të shqetësuar për dëmtime strukturore të shtëpive të tyre. Ky është vetëm një mikrokozmos i asaj që po ndodh në zonat e prekura”.
“Që tani, ne shpresojmë se një marrëveshje me qeverinë do të lejojë qasje të shpejtë dhe të rregullt në këto zona”, deklaroi organizata.