Ministri i Jashtëm rus Sergej Lavrov ka deklaruar se zyrtarët amerikanë e pranojnë në deklaratat e tyre se shpërthimet në tubacionet Nord Stream ishin vepër e SHBA-së dhe ata flasin për këtë akt me kënaqësi.
“Zyrtarët amerikanë në thelb e pranojnë se shpërthimet që goditën gazsjellësit Nord Stream 1 dhe 2 ishin vepra e tyre. Ata madje kënaqen duke folur tani për këtë,” tha Lavrov.
Sipas tij, SHBA vendosi që Rusia dhe Gjermania kishin pasur një bashkëpunim shumë të mirë gjatë 20 viteve të fundit, duke krijuar një aleancë të fuqishme të bazuar në burimet ruse dhe teknologjinë gjermane.
“Kjo filloi të kërcënojë pozicionin monopol të shumë korporatave amerikane. Prandaj, ishte e nevojshme që disi të shkatërrohej,” tha ministri.