Yuriy Shvets, ish-oficer i KGB-së (Agjencia Sovjetike e Zbulimit Shërbimi sekret më i frikshëm i botës), ka pohuar se Vladimir Putin ka frikë se mund të helmohet.
Në një intervistë me kryeredaktorin e gazetës ukrainase Gordon, Shvets, i cili tani jeton në SHBA, tha se ndërsa përdorimi i helmeve kishte lulëzuar nën udhëheqjen e presidentit rus, ai tani ka frikë se ato mund të përdoreshin kundër tij.
Ai gjithashtu tha se numri i njerëzve tek të cilët udhëheqësi i Kremlinit mund të mbështetej tani ishte “shumë i ngushtë”
“Unë mendoj se ky izolim nuk lidhet me rrezikun e gripit apo shpërthimeve të reja të rasteve me COVID-19. Duket se ai ka frikë për jetën e tij. Ka një luftë rreth tij”, tha ai.
Me gjithë frikën e një helmimi të mundshëm, Shvets theksoi se aktualisht askush në Kremlin nuk po përpiqet ta rrëzojë Putinin, duke shtuar se “ata që mund ta pasojnë presidentin rus, janë edhe më të rrezikshëm”.