Artur Rrapaj u kap më 8 shkurt në Ekuador në një operacion të përbashkët të policisë ekuadoriane dhe kolumbiane.
37-vjeçari me origjinë nga Fieri ndodhej në shtëpinë e një prej trafikantëve vendas më të kërkuar në botë, Emilio Sánchez Farfán. I njohur dhe me nofkat “Gato Farfán” ose “Jerry”, Farfán njihej si trafikanti më i madh referuar drogës që dërgohej në Europë dhe SHBA.
Tre bastisje u kryen në pronat e tij dhe në njërën prej shtëpive u zbulua dhe shqiptari Artur Rrapaj, të cilin mediat vendase e konsiderojnë si pjesë e mafies shqiptare në Ekuador.
“Shqiptari, me një pasaportë të skaduar dhe i ndaluar në një shtëpi në pronësi të Farfanit, në Samborondón, kishte me vete 319 mijë dollarë, telefona satelitorë dhe pajisje GPS”,
Gjatë seancës, mbrojtja e fierakut u justifikua se paratë e gjetura në zotërim ishin pjesë e një kredie që ai i kishte dhënë një kompanie me kapital 10 milionë dollarë, por deri në atë moment 37-vjeçari s’ka paraqitur dokumentacion. Ky shtetas ka precedente penale edhe në Shqipëri.
Ndërkohë, “Gato Farfán” është përgjegjës për disa nga masakrat e ndodhura në burgje në Ekuador vitet e fundit dhe që kanë lënë të vrarë më shumë se 450 të burgosur që nga viti 2020.