PD-ja e Sali Berishës ka vendosur që sa herë të ketë seancë plenare në Parlament, jashtë do të ketë protestë. Ish-kryeministri fton qytetarët që të marrin pjesë në protestën që opozita pritet të mbajë ditën e nesërme përballë Parlamentit.
Përmes një postimi në facebook, Sali Berisha shkruan se të enjten në orën 10:00 shqiptarët duhet t’i dalin zot vendit. “Shqipërisë i dalim zot! E enjte, ora 10:00, para parlamentit!”, shkruan Berisha.
Po ashtu ish-kryeministri ka shpërndarë dhe një video nga protesta e së hënës para Parlamentit. “Parlamenti dëshmoi se janë shumë më afër me bandat se sa me tempullin e demokracisë. Prania juaj këtu i detyroi të largohen nga parlamenti. Herën tjetër do të duhet t’u marrin leje ju”, shkruan Berisha në diçiturën e videos.