Prokuroria e Fierit ka kërkuar burg të përjetshëm për Elton Metën, i akuzuar për vrasjen e ish-bashkëshortes së tij, Sabrina Bengaj.
Mbrëmjen e 10 tetorit të vitin 2021, në fshatin Zhupan të Fierit, Meta ka hyrë në banesën e prindërve të ish-bashkëshortes me një armë zjarri kallashnikov në dorë.
Pas kërkesës së Sabrinës për t’u sqaruar jashtë banesës, për të mos shqetësuar familjarët, i pandehuri e ka qëlluar disa herë me armë pas shpine ish-bashkëshorten dhe është larguar me motor me shpejtësi, ku është kapur më pas nga policia pas kërkesës së të atit të tij dhe policisë për t’u dorëzuar.