Gjykata e Sarandës la në fuq masën e sigurisë “Arrest në burg” për 36-vjecarin Sotir Çabiri të dyshuar si autor të shpërthimit me eksploziv të hotel “Bizanti” në orët e para të mëngjesit të se hënën.
Çabiri u shpreh pak minuta para shpërthimit ndodhej në hotel për të marrë dicka që kishte harruar pasi po atë ditë do te shkonte ne Angli, ndaj dhe ishte filmuar duke dalë nga objekti 3 min para shpërthimit.
Në vendin e ngjarjes është gjetur edhe një kallëp tritoli i pashpërthyer. Në masën e sigurisë sot prokurore ishin Kledi Llaho dhe Alba Dhima ndërsa gjyqtar Fatmir Ndreu.
Sotir Çabiri, 36 vjeç është djali i një prej bashkëpronarëve të hotelit ‘Bizanti’, Spiro Çabiri.
Hotel ‘Bizanti’ në Sarandë u shemb me shpërthim dinamiti. Soiro Çabiri dhe shtetasi grek Dhimitër Evangjeliu janë në gjyq prej vitit 2002 për pronësinë e hotelit.
Sipas vendimit gjykata 90% të hotelit ia ishte dhënë Dhimitër Evangjeliut dhe nga 5% dy ortakëve të tjerë, Spiro Çabiri e Vangjel Shtuka (ka ndërruar jetë).