Edmond Spaho deklaroi se opozita do të mbrojë me çdo kusht pluralizmin në vend.
I ftuar në “Euronews Albania”, deputeti demokrat theksoi se është e patolerueshme për një shtet demokratik që kryeministri të pengojë ngritjen e komisioneve parlamentare dhe mos të shkojë në parlament të përballet me opozitën.
“Nëse Rama do të vazhdojë me këtë model që ‘do të shkojë në parlament kur dua unë dhe jo kur ia detyron Kushtetuta’ dhe kur thotë se ‘nuk keni për ta marrë Komisionin Hetimor sepse kështu dua unë’. Atëherë dhe ne do t’i përgjigjemi me mjete të tjera. Ne do të mblidhemi dhe do të diskutojmë, në fund të fundit dy duar për një kokë janë.”