Prokuroria e Posaçme SPAK ka nisur procedurat e ekstradimit për Leonard Dukën, i përfshirë në vrasjen e ish-policit Santiago Malko.
Brenda 10 ditëve, Ministria e Drejtësisë do t’i dërgojë autoriteteve belge dosjen dhe akuzat që rëndojnë mbi 37-vjeçarin, që do përdoren për ekstradimin e tij drejt vendit tonë.
Duka u arrestua në një provincë të Belgjikës, 3 ditë më parë, pas shkëmbimit të informacioneve mes Belgjikës dhe Shqipërisë.
Ish-efektivi i Policisë, Santiago Malko, i konsideruar si krahu i djathtë i Ervis Martinajt, u ekzekutua natën e 27 gushtit 2019, në zonën e Xhamllikut në Tiranë.
Pas krimit, polici shpalli në kërkim tetë persona të akuzuar si pjesë e grupit të strukturuar kriminal “Duka”, vëllezërit Leonard dhe Elis Duka, Fatmir Hyseni, Xhoni Nica, Oltian Loka, Ilir Selmani, Aleksandër Maxhaku dhe Dritan Agaj.