Nuk ndalen sherret dhe tensionet me banorëve në shtëpinë e “Big Brother VIP”. Këtë herë, protagonistë kanë qenë Dea Mishel dhe Ermiona.
“Mua mos më zgjo duke bërtitur se më shkakton gjendje ankthi. Turp të kesh! Është hera e dytë që e bën dhe je njeriu më i pasjellshëm këtu brenda”, u shpreh Dea.
Shkaku i debatit të tyre është banal, ku Jona e akuzon Dean se i ka nxjerrë rrobat e saj nga lavatriçja. Të bërtiturat e Ermionës janë dëgjuar në të gjithë shtëpinë.
Banorët e tjerë janë përpjekur ta qetësojnë këtë të fundit, por pa rezultat, pasi ajo është shprehur se e ka shumë problem t’ia prekin rrobat pa e pyetur.
“Mos më hajdeni si ujqër”, ka shpërthyer Ermiona.
Dea nuk iu ka rezistuar dot toneve të ashpra, duke shpërthyer në lot.
“Më lini pak hapësirë”, ka thënë Dea duke qarë, teksa është futur në dhomën e rrëfimit.