Kanë ngelur edhe pak ditë nga ardhja në jetë e fëmijës së parë së Meghan Markle dhe Princ Harry. Por dukesha e Sussex, mesa duket ka disa dëshira në lidhje me lindjen. Më e fundit është ajo e lindjes së fëmijës në ujë dhe kjo do ishte hera e parë për pallatin mbretëror. Një mik i princit Harry ka thënë për ‘The Daily Star’ se: “Është e qartë se Meghan është kundër ilaçeve, kështu që asnjëri prej nesh nuk ishte i tronditur kur kuptuam se kishte folur për lindjen në ujë. Me sa duket ajo dëshiron që fenomeni të jetë sa më i natyrshëm që të jetë e mundur: pa anestezi, pa spital dhe kështu me radhë.”
Kujtojmë që më herët çifti mbretëror kanë shprehur dëshirën se duan që fëmija i tyre të bëhet vegan, pavarësisht se mbretëresha Elizabeth nuk e ka pritur mirë këtë gjë.
