Shtëpia e Bardhë ka reaguar lidhur me tensionet që shoqërojnë paqartësinë rreth qëndrimit të Kinës kundrejt luftës në Ukrainë.
Deri më tani Kina ka propozuar një plan paqeje mes Rusisë dhe Ukrainës. Kina nuk ka lëvizur drejt ofrimit të ndihmës ushtarake që do të ndihmonte Rusinë në pushtimin e saj në Ukrainë , dhe SHBA-ja e ka bërë të qartë se një veprim i tillë do të kishte pasoja të rënda.
“Pekinit do t’i duhet të marrë vendimet e veta për mënyrën se si do të vazhdojë, nëse ofron ndihmë ushtarake, do të ketë kosto reale për Kinën”, tha të dielën këshilltari i sigurisë kombëtare të Shtëpisë së Bardhë, Jake Sullivan.