Një zarf i zi ka mbërritur paraditen e sotme në shtëpinë e “Big Brother Albania Vip 2”. Këngëtarja Ermiona Lekbello është përjashtuar nga loja.
Në zarfin e zi shkruhej se pas paralajmërimit të mbrëmshëm nga “Vëllai i Madh”, këngëtarja ka ushtruar “në mënyrë të përsëritur” dhunë verbale, ndaj është përjashtuar menjëherë. Mbrëmjen e djeshme Ermiona pati një debat të fortë me Oltën. Gjatë kësaj kohe ajo vazhdimisht ka kërkuar të largohet nga loja.
“Banorë, Vëllai i Madh ju ka dhënë mbrëmë ultimatumin e fundit për mosrespektimin e rregullave thelbësore të formatit, që nuk lejojnë të cenohet integriteti i askujt. Dhuna verbale e përdorur mbrëmë, në formë të përsëritur nga Ermiona përbën një shkelje të rëndë të rregullave. Për këtë arsye, Vëllai i Madh, ju komunikon se Ermiona lë menjëherë shtëpinë dhe është e skualifikuar nga loja. Si rrjedhojë, edhe televotimi i javës anulohet”, shkruhej në zarfin e lexuar nga Luizi.