Papa Françesku ka vendosur t’u japë fund privilegjeve të strehimit të gëzuara më parë nga kardinalët dhe zyrtarët e lartë të Selisë së Shenjtë, të cilët nuk paguajnë qira për banesat e tyre, njoftoi faqja zyrtare e lajmeve e Vatikanit, Vatican News.
Në bazë të këtij vendimi, ministrat, kardinalët dhe zyrtarët e tjerë janë të detyruar të bëjnë një “sakrificë” dhe tash e tutje të paguajnë qiranë e tregut për banesat ku jetojnë.
Qëllimi është “të merret me nevojat në rritje” të Kishës Katolike Romake “kundër sfondit të një konteksti ekonomik, siç është ai aktual, me peshë të veçantë”, vazhdon teksti.
Vatikani thekson se është e nevojshme që “të gjithë të bëjnë një sakrificë tjetër në mënyrë që të mund të ndahen më shumë burime për misionin e Selisë së Shenjtë”. Megjithatë, ato nuk do të jenë më në gjendje të zgjaten ose të rinovohen nëse nuk plotësohen rregulloret e reja. Çdo përjashtim duhet të miratohet nga vetë Papa. Vatikani ka një pasuri të madhe të paluajtshme me vlerë miliarda euro.
Ndër të tjera ai ka prona të shtrenjta në Paris, Londër dhe Gjenevë, si dhe shumë apartamente në Romë. Pas zgjedhjes së tij në 2013, Françesku u përpoq të rregullonte financat e Selisë së Shenjtë dhe të forconte transparencën. Në vitin 2021, për të forcuar financat e Vatikanit ai kishte ulur pagat e kardinalëve dhe zyrtarëve të tjerë.