Numri i viktimave nga aksidenti tragjik i trenit në Tempi ka shkuar në 57, sipas deklaratës së shefes së mjekësisë ligjore të Larisës, Rubini Leontari.
Leontari vuri në dukje se të enjten mbërritën në morg 14 trupa të djegur, teksa shtoi se po kryhen gjithashtu testet e ADN-së për viktimat.
“Është marrë ADN-ja e secilit anëtar, kështu që disa anëtarë që mund t’i përkasin një trupi të copëtuar do t’i caktohen trupit, disa anëtarë që nuk do t’i përkasin një trupi, ne do të kemi ADN-në e tyre…Identifikimi nuk është punë e mjekëve. Sigurisht që ne ndihmojmë, por është përgjegjësi e laboratorit të grupit të specializuar të Mbrojtjes Civile për fatkeqësitë masive. Kemi informacione se hetimet laboratorike të ADN-së janë duke përparuar. Tashmë kemi deri tani 14 rezultate të plota, të cilat janë në proces identifikimi nga personi kompetent” , tha znj. Leontari.