Përfaqësuesi ligjor i grupit të Enkelejd Alibeajt, Indrit Sefa komentoi vendimin e Gjykatës Administrative të Apelit për vulën e Partisë Demokratike.
Në një intervistë për News24, Sefa deklaroi se pas këtij vendi, PD, nën drejtimin e Enkelejd Alibeajt, do të regjistrohet në KQZ për zgjedhjet e 14 majit.
“Gjykata mori një vendim të drejtë. Ajo nuk e trajton çështjen politikisht, por juridikisht. Nuk merret me mbështetjen ose jo, por me faktet. Berisha ka deklaruar ditën e sotme se në lidhje me vendimin e marrë nga Apeli dje, do t’i drejtohet me rekurs Gjykatës së Lartë. Kjo është zgjedhja e tij nuk cenon vendimmarrjen. PD vijon aktivitetin politik. Berisha mendon që duke iu drejtuar rekursit apo Gjykatës Europiane mund të arrijë diçka, është e drejtë e tij që buron nga ligji. Por një këshillë nga unë do të ishte që nëse klienti im do të ishte i bindur në vërtetësinë e akteve dhe thirrjen e Kuvendit, t’i drejtohej edhe një herë Gjykatës së Shkallës së Parë. Përfaqësuesit që ai ka, nëse mendojnë se kjo është rruga e duhur, e kanë arsyetuar më mirë se unë, edhe përse kjo do kërkonte një kohë të gjatë.”