Jordanna-Leigh Evans ka gjetur forcëndhe ka rrëfyer abuzimin që ajo ka pësuar nga babai i saj pedofil që në moshën 4-vjeçare, me synimin për të ndihmuar persona të tjerë që mund të gjenden në situatë të ngjashme. Sot 26-vjeçe, ajo tregon se babai i saj David Evans ka nisur të abuzojë me të seksualisht që kur ishte vetëm 4 vjeçe dhe mendonte se ishte diçka normale pasi nuk kishte asnjë informacion.
“Ai më trajtonte më shumë si gruan e tij, edhe pse isha vajza e tij. Ndihesha sikur ishte brenda një kulti, pasi bota ime ishin pikërisht ato gjëra që ai mi mësonte dhe nuk ishin të drejta”, ka treguar vajza për publikun britanik.
David kontrollonte totalisht jetën e vajzës së tij. Ajo tregon se babai i saj e detyronte atë të shihte video për të rritur. “Isha shumë e re për të kuptuar pornografinë, por gjithsesi më dukej shqetësuese. Ai vazhdonte dhe më thoshte se i bënte të gjitha këto pasi më donte. Unë isha një fëmijë, por arrija t’i fshihja emocionet”.
David Evans sulmoi seksualisht edhe vajzë të tjera të mitura dhe për krimet e kryera tashmë ai është në burg dhe po vuan dënimin me 8 vite. Sot Jordanna-Leigh Evans është nënë e dy fëmijëve dhe tregon se ka një përkujdesje të jashtëzakonshme për ta.