Tre persona nga Kroacia janë arrestuar në Serbi pasi në makinën e tyre është gjetur material radioaktiv, kanë bërë të ditur zyrtarë serbë.
Sipas tyre, të arrestuarit po tentonin të kalonin nga Serbia në Kroaci të shtunën, kur skanerët detektuan “një sasi të konsiderueshme” të radioaktivitetit në mjetin e tyre.
Gjatë një kontrolle që iu bë makinës u zbulua koka e një rrufepritëse radioaktiv te goma rezervë e bagazhit, thanë autoritetet doganore serbe.
Incidenti ndodhi në pikën kufitare Bezdan, pranë qytetit Sombor të shtunën në orën 20:30.
Nuk ka asnjë detaj për sasinë e materialit radioaktiv të përfshirë apo ndikimin e tij të mundshëm, por punëtorët në pikën kufitare janë urdhëruar të hedhin rrobat e tyre dhe t’i nënshtrohen kontrolleve mjekësore si masë paraprake, raportojnë mediat serbe.