Kategoria Superiore është në një fazë delikate ku çdo gabim mund ti kushtojë skuadrave. Në javën e 25-të, vëmendja është tek ndeshja në “Loro Boriçi” aty ku Vllaznia pret Partizanin.
Pas fitores në derbi, të kuqtë vijnë me motivimin maksimal ndërsa për shkodranët nuk mund të thuhet e njëjta gjë pasi ne javën e fundit barazuan 1-1 ndaj Teutës. Megjithatë diferenca prej 4 pikësh me demat, nuk I bënë aspak inferior shkodranët përkundrazi i motivon për të marrë 3 pikët.
Ndërkohë Tirana duhet të harrojë sa më shpejt humbjen në derbi. Bardheblutë përballen me Laçin në “Elbasan Arena” dhe detyra është vetëm fitore. Kështu është shprehur dhe tekniku Orges Shehi në konferencën për shtyp ndërsa theksoi se ka akoma shumë ndeshje. Të dyja sfidat do të luhen në orën 17:00.