Policia e Kurbinit ka shoqëruar dhe marrë në pyetje mbi 10 persona në lidhje shpërthimin e ndodhur një ditë më parë në banesën 3- katëshe të familjes Lika në fshatin Sanxhak, por ende nuk është arritur të bihet në gjurmët e autoreve të ngjarjes.
Mes personave që kanë dhënë dëshminë e tyre në polici, janë dhe pjesëtarë të familjeve me të cilët kanë hasmëri familja që ishte objektiv i sulmit. Por ata kanë mohuar të kenë lidhje me vendosjen e lëndës shpërthyese dhe janë lënë sërish të lirë.
Në pjesën e përparme të banesës tre- katëshe, ka patur kamera sigurie, por sipas burimeve nga grupi hetimor kanë qenë jashtë funksioni.