Aktorja e njohur turke, Cansu Dere, e njohur gjerësisht në Shqipëri si Ejshani me rolin e saj në serialin “Ezel”, është bërë e “gjallë”. Ajo u raportua në media e zhdukur pas tërmetit të fuqishëm të 6 shkurtit që goditi Turqinë dhe Sirinë, duke marrë mijëra jetë njerëzish.
42-vjeçarja pas këtij lajmi u pa duke asistuar në një qendër për shpërndarjen e ndihmave për personat e prekur nga tërmeti . Mirëpo, duke qenë se videoja që qarkulloi nuk ishte e qartë, sërish kishte pikëpyetje në lidhje me gjendjen e saj.
Së fundmi, vetë aktorja ka kontaktuar me mediat.
“Nuk ishte qëllimi im të shqetësoja dhe të trembja askënd. Unë nuk jam dikush që përdor shumë rrjetet sociale. Instagrami më shërben si një album ku ndaj momentet e mia të lumtura”, tha Jansu Dere për CNN Turk.