Paraditen e kësaj të hëne, kreu i Partisë së Lirisë, Ilir Meta zhvilloi sërish një takim me ish-kryeministrin Sali Berisha në selinë blu.
Pas takimit në një prononcim për mediat, Meta u shpreh i bindur se më 15 Maj, një ditë pas zgjedhjeve, shumica e bashkive në vend do ti ketë opozita.
“Një takim në kuadër të bashkëpunimit tonë e të kësaj aleance të jashtëzakonshme të të gjithëve për ndryshim. Në datën 15 maj shumica e kryetarëve të bashkive në gjithë Shqipërinë i përket ndryshimit dhe opozitës të bashkuar dhe pa asnjë diskutim e shumica dërrmuese e këshillave bashkiakë do i përkasë opozitës”.