Këtë të martë, Komisioni i Ankimimeve dhe Sanksioneve rrëzoi ankimimin e Lëvizjes Bashkë për regjistrimin në zgjedhjet lokale të 14 majit. Palët paraqitën argumentet e tyre, por KAS vendosi të rrëzojë ankimimin. Drejtuesi Arlind Qori, e ka quajtur politik vendimin e KAS. Ai tha se vendimin do ta çojnë në Kolegj Zgjedhor.
“Pse nuk duan t’ia dinë për argumentet, për ligjin, për Kodin Zgjedhor. Çfarë e shqetëson Ramën dhe Veliajn? Ata kanë frikë nga një lëvizje politike e vërtetë, nga njerëz të organizuar dhe me idealet. Ata e dinë se sa shumë na presin qytetarët.
Ne do ta ankimojmë këtë vendim në Kolegjin Zgjedhor dhe paralelisht do të vijojmë me mbledhjen e firmave. Sot në këtë ditë festë do të thyejmë rekordin e firmave të mbledhura për Lëvizjen Bashkë dhe për mua si kandidat i pavarur.
Asnjë i korruptuar nuk na pengon ne. Ata që na pengojnë ne nuk kanë as minimumin e argumenteve ligjore. Ne kemi institucionet e korruptuara kundër por kemi pro ligjin dhe popullin e Shqipërisë”, tha Qorri.