Shkencëtarët arrijnë të krijojnë dy kavie laboratori nga dy baballarë biologjikë. Për momentin janë të shëndetshëm dhe në gjendje të riprodhohen në të ardhmen. Është hera e parë që arrihet një gjë e tillë nga Universiteti i Osakës në Japoni dhe arritja është bërë e ditur në Samitin Ndërkombëtar mbi Editimin e Gjenomës që u mbajt në Londër.
Eksperimenti i arritur natyrisht është mjaft larg aplikimit njerëzor, pasi janë dhe shumë barriera etike, për të cilat duhet mjaft kujdes. Kërkusit shpjegojnë se kanë përdorur një protokoll të ri, me anë të të cilit arritën të përftojnë ovula nga qeliza të minjve meshkuj. Këto qeliza më pas janë transformuar në staminale pluriefikase e më pas janë kultivuar duke humbur në mënyrë spoontane kromozomin mashkullor Y.
Hapi tjetër ka qenë trajtimi i tyre me një molekulë për të patur qeliza femërore me dy çifte kromozomesh X e më pas janë fekonduar dhe transferuar në mitrën e një kavie femër. Kanë lindur kështu kavie të shëndetshme, por me një përqindje mjaft të ulët, pasi janë implantuar 630 embrione dhe vetëm 7 kanë mbijetuar.
Sipas kërkuesve, kjo teknikë mund të bëjë të mundur trajtimin e disa lloje infertilitetesh dhe për të bërë të mundur riprodhimin dhe gjenerimin nga individë monoprindërorë.