Këtë të enjte në Tiranë po zhvillohet mbledhja e Këshillit të Stabilizim Asocimit mes BE dhe Shqipërisë. Shefi i Diplomacisë së BE-së, Josep Borrell tha se Shqipëria ka bërë progres për anëtarësimin në BE. Ai tha se tashmë ka një dakordësi me kryeministrin Edi Rama, që skema e pasaportave të arta nuk do të ecë më tej.
“Është vizita ime e tretë në Shqipëri si përfaqësues i BE-së, por sot është moment historik për marrëdhëniet tona. Sot jemi këtu për t’i treguar popullit shqiptar që BE-ja është më pranë jush si vend kandidat për në BE. E përdorin Këshillin e Stabilizim Asociimit për marrëdhëniet mes BE-së dhe Shqipërinë.
Ne shohim dhe mirëpresim drejtimin strategjik të qarë të Shqipërisë në BE. Po punojmë për anëtarësimin e Shqipërisë në të gjitha fushat. Dua të pranoj dhe të vlerësoj se ky vend ka treguar pjekuri në të gjitha reformat, sidomos në drejtësi e cila ka ecur përpara. Institucionet shqiptare duhet të përshpejtojnë reformat. Patëm mundësi të mirëpresim vendimin e kryeministrit që nuk do të bëhet miratimi i pasaportave të arta”.