Pasi të enjten KAS i dha të drejtën grupimit të Alibeajt për të vijuar në zgjedhjet lokale me logon e PD-së, sot Sali Berisha ka komentuar ofertën e bërë për kandidatët e Primareve. Berisha iu përgjigj ashpër thirrjeve të deputetëve të PD-së të Alibeajt, duke i cilësuar si pengje të Ramës të cilët tregojnë mjerimin e tyre.
“Ata mendojnë se mund t’i imponohen Partisë Demokratikë si pengje të Ramës me plaçkë të marrë përmes Ramës. veç se tregojnë mjerimin e tyre. PD nuk mposhtet, hiqeni nga mendja, kurrë nga Rama. Ai ka dështuar dhe do dështojë në çdo përpjekje. Do ta paguajë çmimin.
Nga 2017 deri më sot ai ka kryer aktet më kriminale, ka kontraktuar vrasës me pagesë, ka paguar kompani me 370 mijë dollarë për të përgatitur dosjen false të Berishës që u ka ngelur në dorë. Kim është McGonigal me fustan.
I bëj thirrje institucioneve të SHBA të hetojnë këtë person, pasi ajo ka shkelmuar interesat e vendit të vet dhe parimet ndërkombëtare dhe kushtetuat e dy vendeve. Rama së fundmi, me dy pengje u shërbye dhe u thotë demokratëve se këta janë opozita, Basha Brava, brava Basha. S’ka figura më të shpifura sot”,-tha Berisha.