Moska zyrtare e cilëson të pavlerë urdhër-arrestin e lëshuar nga Gjykata Penale Ndërkombëtare për presidentin Vladimir Putin dhe komisioneren presidenciale të Rusisë për të drejtat e fëmijëve, Maria Alekseyevna Lvova-Belova.
Në reagimin e Moskës thuhet se ky urdhër-arrest nuk ka asnjë lloj kuptimi ligjor dhe jo vetëm për Rusinë.
“Rusia nuk është anëtare e Statutit të Romës të Gjykatës Ndërkombëtare Penale dhe nuk mban asnjë detyrim sipas tij. Rusia nuk bashkëpunon me këtë organ, dhe pretendimet e mundshme për arrestim që vijnë nga Gjykata Ndërkombëtare e Drejtësisë do të të jetë ligjërisht i pavlefshëm për ne”, thuhet në reagim.
Putin akuzohet si përgjegjës për krimet e luftës të kryera në Ukrainë.
Gjyqtarët e procedurës paraprake të gjykatës vlerësuan se kishte “baza të arsyeshme për të besuar se secili i dyshuar mban përgjegjësi për krimin e luftës të dëbimit të paligjshëm të popullsisë dhe atë të transferimit të paligjshëm të popullsisë nga zonat e pushtuara të Ukrainës në Federatën Ruse, në veçanti të fëmijëve ukrainas”.