Presidenti i Kinës, Xi Jinping viziton këtë të hënë Moskën ku pritet që të tregojë mbështetje për presidentin rus, Vladimir Putin, teksa tenton të shtyjë përpara një plan për paqe që synon t’i japë fund luftës në Ukrainë. Kremlini bën me dije se do diskutojnë për një “partneritet gjithëpërfshirës dhe bashkëpunim strategjik”.
Pekini një aleat i Rusisë ka ofruar propozime për t’i dhënë fund luftës në Ukrainë, kjo të cilën Perëndimi e ka pritur me shumë dyshime, pasi u bë publik menjëherë sapo ministri i jashtëm Kinez vizitoi Moskën.
Kjo do të jetë vizita e parë e presidentit kinez në Rusi që kur trupat ruse pushtuan Ukrainën. Ai pritet të drekojë me presidentin Putin të hënën për të vijuar me bisedimet ditën e martë. Ukraina beson se presidenti kinez po viziton Moskën për t’i dërguar një sinjal botës se Rusia ka disa aleatë.