Kryeministri Edi Rama ka treguar se numri i turistëve të huaj në vendin është rritur. Këtë e ka treguar në rrjetin e tij social Facebook, krahas videos së Ministrisë së Turizmit dhe Mjedisit.
Sipas numërit një të qeverisë, 686 mijë vizitorë të huaj kanë frekuentuar Shqipërinë në dy muajt e parë të 2023-it, ose 74% më shumë krahasuar me të njëjtën periudhë të vitit të kaluar.
“Vizitorët e huaj në shkurt 2023 janë rritur me 54% krahasuar me shkurtin e kaluar, ndërsa për dy muajt e parë të këtij viti, mbi 686 mijë vizitorë të huaj kanë frekuentuar Shqipërinë, ose 74% më shumë se e njëjta periudhë në vitin 2022”, shkruan Rama.