Rrëfehet për herë të parë adoleshenti shqiptar që akuzohet për vrasjen e studentes greke, Eleni Popaludhi në Rodos.
Aleksandër Luca është në burg bashkë me 21-vjeçarin grek, Manolis Koukouras. 19-vjeçari shqiptar u pyet nga media greke “Star” lidhur me dëshminë, që dha shoku i tij natën që ndodhi krimi.
Koukouras ishte shprehur se shqiptari ishte fajtori i vetëm në ngjarjen e rëndë. Për këtë dëshmi, Aleksandër Luca tha: “Unë nuk e di dhe mua nuk më intereson se çfarë thotë greku. Unë kam një avokat”.
Por, babai i vajzes ka deklaruar se ata kane vepruar bashke dhe kjo nuk ka me asnje dyshim. “E vërteta është e qartë për ne. Ata vepruan bashkë. Tani ju doni të provoni se cili prej tyre e goditi me shufër metalike dhe cili e hodhi atë në det,”, ka thene për mediat greke John Topaludhi. Sipas tij, nuk eshte e mundur qe te gjitha keto t’i beje nje person pa asnje ndihme dhe i vetem.
Ndërkohë që tek të dy të pandehurit është realizuar ekspertiza psikiatrike dhe pritet që të dhënat të bëhen publike. Ata po mbahen me akuzen e vrasjes se studentes pasi nuk pranoi te kryente marredhenie seksuale.
Kur vajza, me te cilen ishin ate nate i refuzoi djemte, sipas akuzes u rebeluan dhe e dhunuan.