Ambasadori francez në Kosovë, Olivier Guerot, ka folur për marrëveshjen e arritur, por pa firmë mes Kosovës dhe Serbisë në Ohër. Ai tha se diskutimet në Ohër janë bërë në kuadër të asaj se çfarë është pranuar më 27 shkurt, teksa u shpreh i lumtur për marrëveshjen, të cilën Borrell ka treguar se duhet të zbatohet pa vonesa.
“Ne jemi të angazhuar shumë për perspektivën evropiane të Kosovës, Kosova ka vendin e vet në institucionet evropiane, por Kosova duhet të avancojë drejt normalizimit të marrëdhënieve me Serbinë, sepse është e domosdoshme për integrimin e evropian”, tha Guerot.
Ai ka thënë se do e ndjekin me vëmendje respektimin e këtyre marrëveshjeve dhe se sipas tij, do ketë pasoja nëse nuk respektohen. “Ne do ndjekim me vëmendje respektimin e këtyre marrëveshjeve. Do të ketë pasoja nëse këto marrëveshje nuk respektohen”.