Të shtëna me armë zjarri në një shtëpi në Karolinën e Jugut.
Zyrtarët lokalë thanë për mediet amerikane se pesë persona, duke përfshirë tre fëmijë, janë gjetur të vdekur. Mes të vrarëve është edhe vrasësi i dyshuar.
“Tre fëmijë dhe dy burra, njëri prej të cilëve besohet se është ai që ka qëlluar, janë gjetur të vrarë. Nuk ka asnjë kërcënim për publikun dhe oficerët e Departamentit të Policisë Sumter. Hetimet po vazhdojnë”, njoftoi policia.
Ende nuk dihen rrethanat dhe detajet e plota sa i përket ngjarjes.