Gazeteri Lorenc Vangjeli tha në emisionin ‘Now’ se Rama nuk duhet t’i shmangej debatit për raportin e DASH pasi në këtë rast sipas tij do të kishte në krah Berishën. Vangjeli u shpreh se në këtë rast Berisha do të ishte aleati më i mirë i Ramës, për të thënë që Blinken siç gaboi me të kur e shpalli non grata, gaboi tani edhe me Ramën.
“Një këshillë e mirë për Ramën është se duhet të shkonte dhe do të mungonte Berisha. Ose do ta konsideronte serioz DASH ose do ta refuzonte. Në këtë rast Berisha do të ishte aleati më i mirë i Ramës; Blinken siç gaboi me mua, gaboi edhe me ty. Kjo është pika e takimit që i bashkon dy të kundërtat”, tha Vangjeli.