Shumë shpejtë në familjen e Tuna Sejdiut do të ketë festë të madhe, pasi djali i saj për pak ditë mbush 2 vjeç.
Diskutimet dhe planet për festën kanë nisur që tani, madje këngëtarja ka zbuluar se Tian ka një kërkesë shumë të veçantë për nënën e tij. Teksa festimet e ditëlindjes afrojnë, e ëma e pyet për këngën që do t’i këndojnë në ditëlindje.
Tian thotë se nuk dëshiron t’i këndohen vargjet tradicionale të ditëlindjes, por do të dëgjojë këngën ‘Harrova’ e shkëputur nga albumi i ri i së ëmës, një bashkëpunim ky me Armend Rexhepagiqin.
