Këtë të dielë një aksident me vdekje është regjistruar në aksin Laç-Mamurras. Një mjet ka dalë nga rruga, pasi humbi kontrollin dhe për pasojë gjeti vdekjen. Mësohet se tjetër ka mbetur i plagosur. Ai është dërguar në spitalin e Traumës për të marrë ndihmë më të specializuar mjekësore.
“Rreth orës 05:50, në aksin e vjetër rrugor Laç-Mamurras, ka dalë nga rruga mjeti tip “Volkswagen” me targë AA642IK. Si pasojë, shtetasi A. M. ka ndërruar jetë ndërsa shtetasi E. D. ndodhet aktualisht në Spitalin e Traumës Tiranë nën kujdesin mjekësor”, njoftoi policia.
Në vendin e ngjarjes ndodhet policia. Mësohet se është ngritur një grup hetimor që po punon për zbardhjen e plotë të rrethanave të aksidentit.