Maqedonia e Veriut është vendi i radhës që ka vendosur t’i ofrojë ndihmë me mjete luftarake ajrore Ukrainës, e cila tashmë ka hyrë në vitin e dytë të luftës me Rusinë.
Ministrja e Mbrojtjes, Sllavajnka Petrovska bëri me dije mbrëmjen e së shtunës se Shkupi do të dërgojë në drejtim të Kievit 12 helikopterët e saj luftarakë, të llojit Mi-24 me kërkesë të qeverisë ukrainase.
Petrovska shtoi se vendimi u arrit pas vlerësimeve të Armatës maqedonase se lirimi nga këto pajisje ushtarake nuk do të dëmtojë kapacitetet mbrojtëse të Maqedonisë së Veriut.