Kryeministri Edi Rama ka reaguar pas sulmit me armë ndaj godinës së Top Channel, ku mbeti i vrarë roja i objektit.
Rama thekson përmes një postimi në Twitter, teska shpreh ngushëllimet familjes dhe medias, thekson se agresioni kriminal kërkon përgjigje të qartë nga agjencitë ligjzbatuese.
“Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese! Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues“, lexohet në postimin e kreut të qeverisë.