Kryetarja e Kuvendit, Lindita Nikolla, ka dënuar ashpër ngjarjen kriminale të mbrëmjes së djeshme, ku në Top Channel mbeti i vrarë roja i sigurisë. Nikolla i ka shprehur ngushëllime familjes Kola, duke kërkuar zbardhjen e menjëhershme të vrasjes. “Solidaritet për TV “Top Channel” dhe ngushëllime familjes Kola. Të zbardhet sa më shpejt kjo ngjarje kriminale!”, shkruan Nikolla.
Postimi i plotë
Sulmi me armë ndaj TV kombëtar “Top Channel” dhe vrasja e një prej personelit të sigurisë është një ngjarje e rëndë që kërkon veprim të menjëhershëm e profesional nga agjencitë ligjzbatuese.
Solidaritet me TV “Top Channel” dhe ngushëllime familjes Kola. Të zbardhet sa më shpejt kjo ngjarje kriminale!