Ilir Meta ka mirëpritur zotimin e kandidatit për kryetar bashkie, Belind Këlliçi, i cili pak ditë më parë deklaroi se nëse votëbesohet nga qytetarët në zgjedhjet e 14 majit, do të ofrojë transportin publik falas.
Në një postim në Facebook, kreu i Partisë së Lirisë shkruan se Tirana ka nevojë për ndryshim, ndërsa shtoi se nga premtimi i Këlliçit do të përfitojnë direkt qytetarët.
“Tirana ka nevojë për Ndryshim. Tirana ka nevojë për vendimmarrje nga të cilat përfitojnë direkt dhe menjëherë të gjithë qytetarët. Dhe plani i Belind Këlliçit për transport publik falas është një fitore e të gjithë qytetarëve, pensionistëve dhe të rinjve tanë”, theksoi Meta.