Dy persona kanë humbur jetën pasditen e kësaj të mërkurë pas një konflikti në qytetin e Kavajës.
Mësohet se shtetasit Altin Rexha dhe Edmond Gosa janë konfliktuar në lokal me njëri-tjetrin dhe më pas kanë përdorur armën e zjarrit dhe thikën. Edmond Gosa ka goditur me thikë Altin Rexhën, më pas ky i fundit ka qëlluar tre herë ndaj Gosës.
Të dy kanë ndërruar jetë pasi janë transportuar në spital.
Informacion paraprak nga Policia:
Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha, 43 vjeç, ndërsa ky i fundit ka plagosur me armë zjarri shtetasin Edmond Gosa.
Si pasojë e plagëve të marra të dy shtetasit e përfshirë në konflikt, kanë ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Në përfundim të veprimeve paraprake në vendngjarje, do të kemi një informacion vijues.