Akademiku Artan Fuga sugjeron tre mënyra për daljen nga kriza politike, që prej djegies së mandateve nga opozita. Në studion e emisionit ‘Mbrëmje Ide’, Fuga thekson se së pari për të dalë nga ngërçi i madh palët duhet të ulën të tavolinë, së dyti të krijohet një KQZ e fortë dhe së treti te hiqen disa kompetenca te kryeministrit si garanci për zgjedhjet lokale të 30 Qershorit.
“Por, ka një mundësi për të krijuar zgjedhje ku të dy palët mund të jenë të kënaqura. Në Shqipëri zgjedhjet monitorohen nga mazhoranca. Kjo mund të zgjidhte duke krijuar një tampon midis dy palëve, duke e sfomuar shumë rolin e Kryeministrit në procesin e zgjedhjeve, duke krijuar një komision zgjedhor shumë të fuqishëm sikundër e ka Australia, Kanadaja, ku kryetari i Komisionit të Zgjedhjeve ka në kontroll edhe Ministrinë e Brendshme, edhe administratën dhe gjithçka është në funksion të tij. Një arbitër i tretë në këtë mënyrë i organizuar mirë për mua mund të zgjidhi të dyja alternativat që tani duket se janë të papajtueshme. Kjo kërkon guxim politik nga të dyja anët”, sqaron Fuga.
Akademiku nuk parashikon përsëritjen e një 97-te të dytë dhe këtë e lidh me shkaqe kryesisht demografike, si: largimi i të rinjëve dhe plakja e popullsisë.