Banorët e Bërxullës pas protestës së djeshme në Hipotekën e Tiranës, sot janë rikthyer në rrugën e Rinasit ku protestojnë prej shumë muajash. Ata kërkojnë të drejtën e tyre për pronat të cilët preken nga projekti i rrugës Thumanë-Kashar. Madje kanë paralajmëruar vetëgjyqësi, nëse deri të martën nuk marrin zgjidhje. Banorët thanë se do bllokojnë hipotekën.
“Do fillojmë me vetëgjyqësinë. Prona është e shenjtë. Nëse deri të martën nuk kemi zgjidhje do bëjmë vetëgjyqësi. Do detyrojmë punonjësit e Hipotekës të vihen në lëvizje me forcën tonë. Do t’i bllokojmë hipotekën zonjës Bici.
Në rast se dje ishte tubim paqësor për t’i sensibilizuar këta pushtetarë, sot i kërkoj urgjentisht të marrë masa dhe të vërë në lëvizje stafin. Nuk na zë gjumi i natës për këtë problematikë, ata flenë gjumë. Boll më”, deklaruan banorët.