Kandidati i koalicionit “Bashkë Fitojmë” për Bashkinë e Tiranës, ish-deputeti Belind Këlliçi ka ndarë me banorët Kasharit projektin e tij për Tiranën. Në takim ku merrnin pjesë dhjetra qytetarë, Këlliçi tha se cilat do të jenë shtresat e shoqërisë që do të përfitojnë më së shumti nga transporti publik falas.
“Unë këtë nuk po e bëj për të pasurit, nuk po e bëj për oligarkët. Këtë po e bëj për të rinjtë, për të moshuarit, për studentët, për familjet në nevojë. Për ata qytetarë të ndershëm që ndërrojnë nga dy linja autobusi në ditë, harxhojnë 1600 lekë në ditë transport, për të shkuar në punë, për të marrë një rrogë 450 mijë Lekë apo 400 mijë Lekë në muaj dhe paguajnë 10% të rrogës mujore për transport publik”.
Këlliçi tha se ndihet krenar që vjen si një kandidat, ku ndaj tij nuk ka një akuzë të vetme për abuzime me financat publike. Më tej, gjatë bisedës, kandidati tha se bashkia e drejtuar nga Veliaj, ka braktisur fshatin, duke mos kryer investime në zonat rurale.
Ai u zotua se do të jetë një kryebashkiak në shërbim të të gjithë qytetarëve, ndërsa u angazhua se drejtuesit e njësive administrative jo vetëm që do të kenë më shumë kompetenca vendimarrëse, por ata do të zgjidhen nga vetë qytetarët.