Një aksident rrugor ka ndodhur këtë pasdite në aksin nacional Pogradec-Qafë-Thanë në afërsi të fshatit Hudenisht.
Mësohet se tre automjete janë përplasur me njëra-tjetrën, ku për pasojë kanë mbetur të plagosur 6 persona.
Si pasojë e lëndimeve, 2 prej të plagosurve ndodhen në gjendje të rëndë shëndetësore.
Policia ndodhet në vendin e ngjarjes dhe po heton mbi shkaqet e aksidentit.
Më datë 01.04.2023, rreth orës 14:30, në aksin rrugor Pogradec-Qafë Thanë, në afërsi të fshatit Pojskë, janë përplasur 3 automjete, konkretisht automjeti furgon tip “Benz”, me automjetin tip “Opel” me drejtues shtetasin A. Y. dhe automjetin tip “Toyota” me drejtues shtetasin M. P. Si pasojë e përplasjes, aktualisht janë dërguar në spital për ndihmë mjekësore 6 shtetas, ku 2 prej tyre ndodhen në gjendje të rëndë shëndetësore.